Standfaraskip Landsins
Landsverk og Blikksmiðjan í Klaksvík hava í vikuni sett upp nýggjan gelendara á uttara partin av nýggju rampuni á Syðradali á Kalsoynni.
Eisini eru pláturnar ímillum rampuna og asfaltið nú sveisaðar fastar, so tær ikki verða trýstar upp av brimi.
Mett verður nú um, hvussu ið atløguviðurskiftini hjá Sam á høgætt kunnu tryggjast betur.
Nýggja rampan er í fyrstu atløgu gjørd til Teistan og nýggju kalsoyarferjuna, men skal eisini kunna brúkast av Sam.
Teistin hevur royndarsiglt á kalsoyarleiðini í nakrar vikur og fer at halda áfram við skipaðari royndarsigling.
Myndir: SSL
Deil á Facebook
