Fótbóltssamband Føroya
Tað verður forsangarin í Hamraduni, Pól Arni Holm, ið fer at syngja fyri, tá “Tú alfagra land mítt” fer at runga á Tórsvølli fríggjakvøldið.
Fríggjakvøldið klokkan 19:45 spæla Føroyar og Kroatia HM undankappingardyst á Tórsvølli.
Atgongumerkjasølan til dystin hevur gingið væl, og seint týskvøldið vóru bara eini 200 til 300 atgongumerki eftir. Á Tórsvølli er pláss fyri umleið 5.200 áskoðarum.
Tí er nógv, ið bendir á, at tað verður fult hús tá forsangarin í Hamraduni, Pól Arni Holm, áðrenn dystin fer at syngja fyri til føroyska tjóðsangin, “Tú alfagra land mítt”.
Deil á Facebook
