Uttanríkis- og vinnumálaráðið
Kunngerðin um kommunalar ferðavinnur er nú lýst, og talgilda oyðublaðið, sum kommunur skulu brúka til sínar ferðavinnuætlanir er virkið á heimasíðuni hjá Uttanríkis- og vinnumálaráðnum. Saman við oyðublaðnum er vegleiðing, sum greiðir frá, hvussu oyðublaðið verður fylt út, m.a. við upplýsingum og kortum. Í vegleiðingini eri eisini eitt hugsað dømi um eina kommunala ferðavinnuætlan, sum kann brúkast sum íblástur.
Endamálið við ferðavinnuætlanunum er at styrkja lokala sjálvræði í ferðavinnuni. Løgtingslógin um burðardygga ferðavinnu leggur upp til, at økini sjálvi og kommunan sum myndugleiki seta treytirnar fyri, hvussu ferðavinnan í økinum skal virka innan lógarásettu karmarnar.
Leiðbeining, kunngerð og oyðublað til kommunalu ferðavinnuætlanina
Deil á Facebook
