– Broytingar átak
Lesarabræv
Okum tørva dugnaligar, samvitskufullar og ærligar læknar, – slíkir eru eitt vælsignilsi.
Verri er, tá hesir eginleikar ikki eru í samljóðið, – enn verri tá makt misbrúk og kollegialt brøðralag tekur yvirhond.
Við kongligari fyriskipn er Danska “Sundhedsloven” sett í gildið í Føroyum, við einstøkum undantøkum.
(Anordning nr. 821 af 22. juni 2018 om ikrafttræden for Færøerne af sundhedsloven, sum broytt við anordning nr. 1443 frá 29. juni 2021).
Grein 1 og 2 eru til dømis ikki settar í gildi, hesar eru týðandi og áttu at vera settar í gildi fyri Føroyar.
(Sjá grein 1 og 2 niðast).
Patienforeningen
Danska Patienforeningen hevur framlagt skjal og ætlan fyri at bøta um sjúklingaskráir (journalir).
Her er millum annað ein allýsing av sjónarmiðum og málum sum Patienforeningen arbeiðir við í samband við sjúklingaskráir.
Samanumtiki
Stjórnin og fólkatingið eiga at seta gongd á eina endurskoðan av sjúkrajournalum í Danmark, við tí endamáli at skapa yvirlit og samanhang fyri sjúklingar, avvarðandi og heilsustarvsfólk.
Dupultar sjúkrafrágreiðingar og loyniligar sjúkrafrágreiðingar skulu steðgast beinanvegin, og tey, sum hava ábyrgdina, skulu standa til svars.
Patienforeningen vil hava, at støðan hjá sjúklingum verður styrkt í “Fyriskipanini um sjúkrajournalum hjá autoriseraðum heilsustarvsfólkum”.
Eftir hvørja viðtalu eiga sjúklingar at skriva undir uppá viðgerð og sjúku lýsingina í sjúkrajournalini (hetta gongur eisini atfinningunum hjá Landsgrannskoðanini á møti, um vantandi eftirliti frá mars 2023, Alm. 129).
Samstundis undirskrivar sjúklingurin, at samrøður og gjørdar kanningar eru lidnar, soleiðis at stórsvikið hjá einstøkum læknum við teirra gjøldum verður munandi avmarkað. Sama er galdandi fyri eina og hvørja fulltrú fyri heilsustarvsfólk.
Patienforeningen ynskir eina samanhangandi journalskipan.
Patienforeningen ynskir online atgongd 24 tímar um døgnið til hesa landsskrásetingarskipan.
Atgongd til skráir skal verða givið innan í mesta lagi 7 dagar.
Patienforeningen vil hava mest møguliga KT-trygd í slíkari skipan, soleiðis at hon ikki kann hackast ella á annan hátt misnýtast. Trygdin skal eisini fevna um verju móti ólógligum uppsløgum hjá heilsustarvsfólki í sjúklingaskráunum.
Patienforeningen ynskir skynsamar rættingarskipanir, soleiðis at lýsingar, ynski og metingar hjá sjúklingum og autoriseraðum avvarðandi verða tiknar við, í væl betur mun enn støðan er nú.
Patienforeningen ynskir, at skrásetingarnar verða skrivaðar á einum máli, sum allir partar skilja.
Almenna útfasanin og/ella minkaða nýtslan av latíni, grikskum og øðrum fremmandum málum í sjúkrahúsverkinum eigur eisini at fara fram í sjúklingaskráunum.
Patienforeningen vil hava skerpa fokus á sjúklingaskráirnar, tí nógvar ótilætlaðar hendingar stava frá skeivum skrásetingum.
Patienforeningen vil hava greiðar reglur og sera álvarsligar avleiðingar lýstar í lóggávu, tá talan er um tilætlaðar feilir í sjúklingaskráunum.
Tað skal vera ein sannleiksskylda hjá heilsustarvsfólkinum, sum førir skrásetingina.
Tað eigur at verða umhugsað, at seta nýggjar greinar í revsilógina og harvið gera løgreglu fráboðanir til ein framtíðar møguleika hjá sjúklingum, sum vera fyri slíkum skrásetingarligum misbrotum.
Slíkt eigur at vera javnsett við skjalafalsan.
Tað skal vera krystall klárt, at tað er revsivert brotsverk, tá sjúklingaskráir verða manipuleraðar.
12.09.2025
Andrass Skaalum
ES: LOV nr 546 af 24/06/2005 – Sundhedsloven: Formål og opgaver m.v.
§ 1. Sundhedsvæsenet har til formål at fremme befolkningens sundhed samt at forebygge og behandle sygdom, lidelse og funktionsbegrænsning for den enkelte.
§ 2. Loven fastsætter kravene til sundhedsvæsenet med henblik på at sikre respekt for det enkelte menneske, dets integritet og selvbestemmelse og at opfylde behovet for
1) let og lige adgang til sundhedsvæsenet,
2) behandling af høj kvalitet,
3) sammenhæng mellem ydelserne,
4) valgfrihed,
5) let adgang til information,
6) et gennemsigtigt sundhedsvæsen og
7) kort ventetid på behandling.
Leinkja til donsku ”Sundheds” lógina : https://www.retsinformation.dk/eli/lta/2005/546
Leinkja til FO anordning : https://www.logir.fo/Anordning/821-af-22-06-2018-om-ikrafttraeden-for-Faeroerne-af-sundhedsloven
Deil á Facebook
