Felagið Nótaskip
Kvotan í ár er 11.750 tons, og tað hevur hon verið seinastu árini.
Tey føroysku uppsjóvarskipini hava seinastu mánaðirnar fiskað alla kvotuna av heystgýtandi sild fyri 2025. Kvotan í ár er 11.750 tons, og tað hevur hon verið seinastu árini. Flestu uppsjóvarskipini hava kvotu av heystgýtandi sild, har kvoturnar kortini eru ymiskar í stødd hjá skipunum.
Fiskaðu ikki kvotuna í fjør
Í fjør ávirkaði verkfallið á arbeiðsmarknaðinum nógv fiskiskapin, tí tað ikki var møguligt at landa veiðuna í Føroyum. Í fjør vórðu fiskað 3.600 tons av heystgýtandi sild.
Heldur til á føroyska landgrunninum
Tann heystgýtandi sildin er ein sildastovnur, ið fyri tað mesta heldur til á føroyska landgrunninum, meðan stovnurin av norðhavssild er ein størri stovnur, sum gýtir fram við norsku strondini og ferðast rættiliga víða.
Deil á Facebook
