Frælsur Ítróttur Føroya
Skechers Performance Nýggjárshálvmarathon, sum varð útsett, verður runnið nú, í dag, leygardagin 7. februar.
Tað eru Roysnið og Skósølan við Gøtugjógv, sum skipa fyri hesi kappingini, sum vanliga er fyrsta rennikappingin í nýggja árinum.
Í 2026 verður runnið sama veg sum seinastu árini, t.v.s. frá brandstøðini á Skála kring Skálafjørðin og út á Toftir.
Byrjað verður við brandstøðina á Skála, norðast í bygdini, kl. 11. Málið er niðanfyri ráðhúsið á Toftum.
Tey, ið eru yvir 16 ár (fødd í 2009 ella fyrr), eru vælkomin at luttaka. Kappast verður í hesum bólkum:
-Menn & Kvinnur (1981-2009)
-Menn & kvinnur veteranar (1971-1980)
-Menn & kvinnur superveteranar (1961-1970)
-Menn & kvinnur ultraveteranar (1951-1960)
Tilmelding fer fram á heimasíðuni hjá Frælsum Ítrótti Føroya, www.fif.fo, ella við startin undan kappingini.
Møtt verður í skúlanum á Toftum. Har verða startnumrini útflýggjaði. Koyrt verður við bussi av Tofta kei yvir á Skála kl. 10. Um onkur ikki fær møtt á Toftum, ber til at heinta startnummarið á Skála.
Til ber at skifta á brandstøðini á Skála undan startinum, og skift verður í skúlanum á Toftum, tá komið er á mál. Har verður eisini drekkamunnur og heiðursmerkjahandan.
Fyrsta umfar av MBM 6 hálv í 2026
Síðani 2024 hevur eitt serligt heiðursmerki verðið latið til teirra, ið komu á mál í øllum hálvmarathon ella marathon kappingunum, sum vórðu fyriskipaðar í Føroyum. Í 2026 er Sandoy 1/2-marathon komið við í hetta serliga átak.
Í 2026 eru kappingarnar í “MBM 6 hálv í 2026” sostatt:
-Nýggjárshálvmarathon á Skálafjørðinum
-FM Hálvmarathon í Klaksvík
-Sandoy 1/2-marathon
-Tórshavn Marathon og hálvmarathon
-Føroya Sunnasta hálvmarathon
-Føroya Vakrasta hálvmarathon
Eini hálvthundrað rennarar hava megnað hetta bragdið í 2024 og 2025.
Deil á Facebook
