Tað er Hans Jákup Mikkelsen úr Syðrugøtu, sum m.a. er kendur sum stjóri á alifyritøkuni Mowi, sum er komin út við síni triðju bókaútgávu.
Bøkurnar hjá honum snúgva seg um føroyska víkingasøga, har serligur dentur verður lagdur á teir báðar høvdingarnar – Trónd og Sgmund.
Hinar báðar fyrstu bøkurnar kallaðust Tróndur og rúnarkelvið og Sjúrður og ormurin.
Triðja bókin sum júst er útkomin kallast Sigmundur og ringurin. Tað er Hans Jákup sum hevur sjálvur skrivað meðan bróður hansara Petur Prent Mikkelsen hevur teknað.
Bókin er um Sigmund, og hvørja lagnu ringurin veitir honum. Hon sigur frá, hvussu Sigmundur kristnaði føroyingar, og hvørjar treytirnar eru fyri at koma í himmiríkið. Hon greinar eisini, hvat aftursvar Tróndur hevur til Sigmund.
Hon greiðir frá, hvussu størsti kappin í Føroyum doyði, og hvussu gøtuskeggjar vórðu týndir.
Bókin er at fáa til keyps í Gamla Bókhandli og Rit og Rák í Havn og í Bókabúðini í Runavík og Klaksvík.
Deil á Facebook
