Mynd: In.fo
Kelda: KVF
NSÍ hevur kært innskiftingina av Ragnari Samuelsen til Fótbóltssambandið. Tað váttar NSÍ-formaðurin, Dánjal Hansen.
NSÍ hevur kært innskiftingina av Ragnari Samuelsen til Fótbóltssamband Føroya. Tað sigur NSÍ-formaðurin, Dánjal Hansen, við Kringvarpið.
Bolt.fo skrivaði fyrr í kvøld, at B36 sendi Ragnar Samuelsen á vøllin í 2-1 sigrinum á NSÍ í dag, uttan at hesin stóð á talgilda dómaraseðlinum, sum verður útfyltur áðrenn dystin.
Dómarin í dystinum, Rúni Gaardbo, váttar fyri bæði Bolt.fo og Kringvarpinum, at nummar 24, Ragnar Samuelsen, kemur á vøllin í 91. minutti, men er ikki á dómaraseðlinum.
– Dysturin er liðugur, og vit skulu føra dómaraseðilin inn, og har fáa vit ikki endaliga skrásett útskiftingina. Hendan kunning er send til FSF, sigur Rúni Gaardbo við bolt.fo í kvøld.
NSÍ hevur sent kæru til Fótbóltssamband Føroya eftir dystin.
Deil á Facebook
