Stutt eftir kl. 14.30 í dag misti ein betongbilur, sum varð á veg úr Klaksvík, betong á vegin.
Betongið sum er komið á vegin, er heilt frá rundkoyringini uttanfyri Norðoyartunnilin Leirvíksmegin og yvir til rundkoyringini uttanfyri kirkjuna í Leirvík.
Talan er um eitt strekki uppá einar 3-400 metur har heilt nógv betong er endað á vegnum.
Í løtuni eru menn frá sløkkiliðnum úr Eysturkommunu í ferð við at vaska og spula vegin.
Dagført kl. 15.45: Nú er vegurin ruddaður og er koyrandi aftur eftir báðum vegabreytum.
Myndir: Eysturoyarportalurin
Deil á Facebook
