Mynd: NSÍ
Í kvøld tapti næstbesta liðið hjá NSÍ 2-0 móti KÍ við Løkin. Hálvleiksstøðan var 1-0 til KÍ. Tóki á Lógv legði longu í 6 minutti útiliðið á odda. Í seinna hálvleiki økti Dávid B. Andreasen til 2-0 .
At NSÍ einki stig fekk ber við sær, at næstbesta liðið hjá NSÍ í 2023 spælur í 2. deild.
NSÍ er á 9. plássi við 15 stigum. B36 er á 8. plássi við 24 stigum. Trý umfør eru eftir at leika, og hóast NSÍ kann enda ájavnt við B36, so er málmunurin hjá B36 -12, meðan málmunurin hjá NSÍ er heili – 52.
Um eina viku, hittast NSÍ og B36 við Løkin, meðan KÍ fær vitjan av Víkingi við Djúpumýru.
Deil á Facebook
