Myndir: Eysturoyarportalurin
Í gjár var redaktiónin hjá Eysturoyarportalinum ein túr í Funningi.
Bygdin, sum nokk mest er kend av, at her steig Grímur Kamban, fyrsti navnkendi føroyingur, á land og setti búgv.
Vit høvdu fingið eitt “tipp”, um eina áhugaverda søgu frá funningsmanninum Petur Skeel Skarðsá, sum býr í bygdini.
Hann segði fyri okkum, at í Funningi verður alt grasið sligið innangarðs um summarið. Allarhelst einasta bygd í Føroyum, har tað verður gjørt.
Heimildarmaður okkara segði eisini, at alt bleiv hoyggja í sjálvari summarferiuni, tá nógv fólk var í hoyna. Nógv fólk, sum hava okkurt tilknýti til bygdina, vóru og hjálptu til.
Heilt nógv bleiv lagt í turkiløg, men eisini nakað bleiv balla.
Men heimildarmaður okkara legði eisini afturat til síðst, at terrin í ár hevði verið sera vánaligur.
Funningur er 15 merkur í alt. Alt er ogn uttan ein ½ mørk av kongsjørð.
Í Funningi búgva einans 46 fastbúgvandi fólk í dag.
Eysturoyarportalurin tók nakrar myndir í gráa veðrinum í gjár.
Deil á Facebook
