EB/Streymur
EB/Streymur og Mórits Heini Mortensen hava gjørt avtalu fyri kappingarárið 2025
25 ára gamli Mórits Heini hevur higartil í yrkisleiðini bert umboðað barndómsfelagið NSÍ. Har er tað blivið til 98 dystir og 6 mál í Betri deildini, 7 dystir og 1 mál í kappingini um Løgmanssteypið, umframt 5 dystir í Evropa. Harafturat hevur hann 139 dystir og 19 mál í 1. deild. Nú hevur hann so valt at taka av nýggjari avbjóðing í EB/Streymi, sum hann gleðir seg til.
“Hetta er ein nýggj og spennandi avbjóðing fyri meg. Eg gleði meg sera nógv til komandi kappingarár og at spæla frammanfyri EB/Streyma áskoðaranum“ sigur Mórits Heini í viðmerking til heimasíðuna hjá EB/Streymi.
Og í EB/Streymi fegnast vit eisini um tilgongdina av Mórits Heina.
“Hetta er ein spennandi og royndur leikari í góðum aldri við stórum potentiali, sum vit trúgva kemur geva liðnum nógv” sigur Sigfríður Clementsen, høvuðsvenjari hjá EB/Streymi
Vit ynskja Mórits Heina vælkomnan til EB/Streym og gleða vit okkum til at síggja hann í blá/svørtu blusuni.
(Hagtølini eru frá FaroeSoccer.com
Deil á Facebook
