Leita á eyp.fo
Ongi úrslit
Undanfarna síða
Leiting av
Næsta síða
27.11.2025 17:31

Kryger Lindh til NSÍ

Úr B36 til NSÍ (Savnsmynd Eysturoyarportalurin)

NSí boðar í dag frá at felagið heur gjørt sáttmála við útlendskan leikara. Talan er um Marius Kryger Lindh sum er komin úr B36.

NSÍ skrivar soleiðis:

26 ára gamli danin, Marius Kryger Lindh, skiftir frá B36 til NSÍ.

Hann hevur skrivað undir ein eitt ára sáttmála við felagið, og kemur hann tískil at spæla í gulum kappingarárið 2026.

Marius kom úr Slagelse til AB í 2022. Hann leikti tvey kappingarár á Argjum, har hann beinanvegin gjørdi um seg á høgra vongi.

Í 2024 skifti Marius til B36, og her hevur hann tey seinastu tvey árini veruliga víst sínar dygdir í tí álopskenda spælinum.

Síðani Marius kom til Føroyar, hevur hann leikt 89 dystir í Betri deildini, har hann so hevur fingið heili 25 mál. Harafturat hevur hann leikt 9 steypadystir og fingið 6 mál.

NSÍ hevur í Mariusi fingið ein leikara, ið hevur serstakliga góðar tekniskar dygdir, skjótleika og arbeiðslag. Vit í NSÍ ynskja Mariusi hjartaliga vælkomnan í felagði, og vit gleða okkum at síggja hann á vøllinum komandi kappingarár.