Vit leita eftir einum dugnaligum og ágrýtnum leiðara til okkara smoltstøð á Fútakletti. Á Fútakletti starvast 30 starvsfólk, sum eru skipað í hesi arbeiðsøki: framleiðsludeild, teknisk deild og góðsku- og eftirlitsdeild.
Sum rakstrarleiðari fert tú í tøttum samstarvi við leiðsluna hjá Hiddenfjord og starvsfólkini á Fútakletti at skapa bestu fortreytirnar fyri, at smoltstøðin verður rikin skynsamt við støði í lívfrøðiligu og teknisku trygdini. Tú fert at leggja til rættis, soleiðis at okkara starvsfólk hava góðar arbeiðsumstøður og neyðugar førleikar at útinna sínar uppgávur. Vit seta stór krøv til dygdargott arbeiði, arbeiðstrygd og at vit í felag loysa uppgávur væl og til tíðina. Soleiðis fært tú ein lyklaleiklut at tryggja, at ætlaðar uppgávur verða framdar.
Tínar týdningarmestu uppgávur og ábyrgdarøki
Í høvuðsheitum er talan um at skipa og vera ein virkin partur í hesum uppgávum:
- Skipa og leggja arbeiðið til rættis
- Tryggja at starvsfólk trívast og mennast
- Síggja til og ganga undan, soleiðis at okkara egna góðskuskipan verður fylgd
- Hava ábyrgd av íløgum, innkeypi og avtalum við veitarar
Vit vænta, at tú
- dugir væl at samstarva við starvsfólk og leiðsluna
- hevur leiðaraevni, dugir at skipa arbeiðið og hevur gott yvirlit
- hevur viðkomandi útbúgving og/ella leiðsluroyndir
- Vit bjóða
Eitt áhugavert og avbjóðandi starv í einari nútímans fyritøku við dugnaligumstarvsfeløgum og nógvari nýhugsan. Hjá okkum kann ofta vera stutt frá tanka til gerð.Starvsfelagarnir eru dugnaligir, umhvørvið opið og tónin óformligur. Sum rakstrarleiðarivísir tú til alileiðaran. - Løn og setanarviðurskifti
Løn og setanarviðurskifti verða sambært avtalu. Starvið verður sett sum skjótast ellaeftir nærri avtalu. - Umsókn
Tú fært meira at vita um starvið við at venda tær til Marjuna Wilhelm á telefon +298288988 ella við telduposti á marjun.wilhelm@hiddenfjord.com. - Umsókn við CV,prógvum, viðmælum og øðrum viðkomandi skal sendast til starv@hiddenfjord.com
- Umsóknarfreistin er 27. august 2023.
- Um Hiddenfjord
Hiddenfjord er serføroyskt felag, sum alir laks í Føroyum. Felagið hevur verið í stórarimenning í mong ár og hevur í løtuni umleið 250 starvsfólk. Fyritøkan hevur smoltstøð,aling, góðskingarvirki og søludeild. Hiddenfjord leggur stóran dent á at ala í samljóði viðnáttúruna.
Deil á Facebook
