KA Akureyri, vann í kvøld ein 2-1 heimasigur á ÍBV frá Vestmannaeyjum og harvið tryggjaði sær fyrsta plássið í niðara endaspælinum í íslendsku Úrvalsdeildini.
Jóan Símun Edmundsson byrjaði inni og legði eisini KA Akureyri á odda tá ið 19. minuttir vóru leiktir av dystinum. Útiliðið frá Vestmannaeyjum javnaði tó longu í 22. minutti. Hóast tað, so eydnaðist tað KA Akureyri at skorað til 2-1 í 54. minutti, sum eisini gjørdist endaliga úrslitið.
Jóan Símun var skiftur út tá ið 82. minuttir vóru leiktir. Hin føroyingurin, Pætur Petersen, var innskiftur í 64. minutti.
Við sigrinum í dag hevur KA Akureyri vunnið niðara endaspælið í Úrvalsdeildini.
Deil á Facebook
