Mennirnir hjá B68 og Víkingi býttu í kvøld stigini millum sín. Dysturin endaði við javnleiki 2-2, eftir at Víkingur var á odda 1-0 í hálvleikinum. Málið skeyt Sølvi Vatnhamar í 20 minutti.
Í seinna hálvleiki fekk B68 tvey skjótt mál. Fyrst í 67 miinutti, tá ið Djóni Samuelsen hevði síðsta fótin á, og aftur í 69 minutti, tá ið Hanus Højgaard, fløtum langskotið, via stongina legið heimaliðið á odda.
Merkisvert var tað tó, at bæði málini komu av stórum verjuvillum frá miðverjunum hjá Víkingi.
Leingi sá út til, at B68 fór at fáa øll 3 stigini. Men í yvirtíðini dømdi Jóhan Hendrik brotsspark, tá ið bólturin kom í hondina á einum B68-leikara. Sølvi Vatnhamar var tryggur og setti bóltin í netið til 2-2, sum eisini gjørdist endaliga úrslitið.
Eitt úrslit, sum hvørgin av pørtunum var serliga nøgdur við.
Víkingur liggur enn á 4. plássi, men nú bert 2 stig frammanfyri B36 á 5. plássi.
B68 er enn á 7. plássi, við 7 stigum niður til FC Suðuroy á 8. plássi og 4 stig upp til EB/Streym sum liggur á 6. plássi.
Deil á Facebook
