KT-Felagið
Á aðalfundinum hjá KT-felagnum varð Jaspur Langgaard valdur í nevndina, meðan Ulla Joensen heldur fram sum forkvinna
Mikudagin 8. apríl savnaðust limirnir í KT-felagnum til árliga aðalfundin. Snæbjørn B. Jacobsen, Ólavur Ellefsen og Kristian R. Davidsen vóru allir afturvaldir, meðan Reimund Langgaard ikki tók við afturvali.
Í hansara stað varð bróður hansara, Jaspur Langgaard, valdur sum nýggjur nevndarlimur, og sostatt kemur nýtt andlit inn í felagsarbeiðið.
Eftir aðalfundin skipaði nevndin seg, og Ulla Joensen heldur fram sum forkvinna. Hon hevur røkt starvið síðani 2018 og hevur staðið á odda fyri fleiri týðandi átøkum, sum hava styrkt arbeiðið hjá felagnum og sett KT á dagsskránna í Føroyum.
Við eini væl skipaðari nevnd og einum felagsskapi, sum trýr upp á framtíðina, er KT-felagið til reiðar at taka næstu fetini. Endamálið er framvegis at tryggja eina kappingarføra og sjálvberandi KT-vinnu, sum kann virka undir góðum og framskygdum kørmum.
Nevndin er mannað soleiðis:
- Ulla Joensen, Elektron
- Gudny Langgaard, Nema
- Ólavur Ellefsen, Flowcore
- Kristian R. Davidsen, Føroya Tele
- Snæbjørn B. Jacobsen, Stýr
- Jaspur Langgaard, Kodio
Les meira um KT-felagið her.
Deil á Facebook
