Missiónshúsið Bethania
Arbeiðið at byggja nýggja missiónshúsið er nú komið so mikið væl áleiðis, at nú hómast endin. Størsta avbjóðingin nú er vantandi peningur.
Í skrivandi stund skulu 1.370.000 kr. fáast til vega, fyri at húsið kann gerast heilt liðugt.
Tí fara vit at hava innsavnan í Gøtu, har fólk hava møguleika at lata eina serstaka gávu til endamálið.
Gingið verður í húsini leygardagin 8. februar.
Til ber bæði at lata reiðan pening og at gera bankaflyting. Faldari við nærri kunning verður eisini latin.
Vit takka hjartaliga fyri allan stuðul.
Deil á Facebook
