Í kvøld gjørdist greitt, at tað seinni liðið sum verður at síggja í íslendsku steypafinaluni verður Víkingur Reykjavík, har Gunnar Vatnhamar til dagliga leikar.
Gunnar Vatnhamar byrjaði sum høgri miðverji í kvøld, tá ið Víkingur Reykjavík, á heimavølli, vann sannførandi 4-1 í hálvfinaluni móti KR.
Hitt felagið í finaluni er “føroyingarliðið” KA Akureyri, við Jóan Símun Edmundssyni og Pætur Petersen í hópinum. Tað gjørdist longu greitt tann 4. juli, tá ið teir vunnu á Breiðablik í hinari hálvfinaluni.
Sostatt verður tað ein íslendsk steypafinala, har væntast kann, at vit koma at síggja fleiri føroyingum á vøllinum.
Steypafinalan millum Víkingur Reykjavík og KA Akureyri verður leikt á Laugardalsvølli í Reykjavík tann 16. september.
Deil á Facebook
