Víkingur Reykjavík við Gunnari Vatnhamar á liðnum, vunnu í gjárskvøldið oddadystin móti FH Hafnafjørður. Úrslitið gjørdist ein 2-0 heimasigur.
Við sigrinum komu víkingar aftur á beint, eftir heldur óvæntaða tapið síðstu vikuskifti, móti HK.
Gunnar leikti allan dystin í miðverjuni og helt málið reint, sjálvt um teir vóru noyddir at leika við 10 monnum seinastu 15 minuttirnar, eftir at áleyparin Nikolaj Hansen fekk sítt seinna gula kort.
Komandi uppgáva hjá Gunnar og liðfeløgunum er á útivølli komandi mánadag 20 mai, tá ið uppflytarnir Vestri taka ímóti.
Deil á Facebook
