Arbeiðið gongur væl í sambandi við byggingina av skúlanum í Leirvík.
Tað er Sp/F Kanjon sum stendur fyri arbeiðinum. Fyritøkan sigur soleiðis á heimasíðu síni:
Beint nú er betong- og elementarbeiði í gongd, og um góða gongdin heldur fram sum higartil, verður reisigildi hildið í heyst.
Seinasta myndin vísir eina modellmynd av skúlanum. Tað er altíð spennandi at síggja verkætlanir gerast til veruleika – frá ráum betongveggjum til karmar um lív og trivnað.
Vit gleða okkum at fylgja gongdini og at síggja skúlan gerast ein góður karmur um lærdóm í Leirvík og í Eysturkommunu.
Deil á Facebook
