Í dag fóru arbeiðsfólk í gongd við at taka Setrið, eisini kallað Nóas ørk, niður frá stadion-økinum við Løkin í Runavík, har tað hevur staðið í nøkur ár.
Tórbjørn Jacobsen, borgarstjóri í Runavíkar kommunu, sigur fyri Eysturoyarportalinum, at upprunaliga varð ætlanin at hetta skuldi brúkast til fótbóltsvirksemið við Løkin, men tann ætlanin er nú slept.
Nú er ætlanin, at húsið í staðin skal brúkast sum fyribils skúlastova í skúlanum á Glyvrum, nú næmingatalið er vaksið og tørvur er á næmingarplássum er vaksin munandi.
Arbeiðið við at stoypa ein sokkul inni í sjálvum skúlagarðinum á Glyvrum, til at seta húsið omaná, er nú liðugt. Og verður húsið flutt frá við Løkin inn á Glyvrar í kvøld.
Runavíkar kommuna hevur boðar frá fyrr í dag, at vegurin samstundis verður stongdur hetta tíðarskeiðið arbeiðið varðir. Les her.
Myndir: Eysturoyarportalurin
Deil á Facebook
