Tað var ein vøkur sjón, tá ið Sleipibáturin Serval M/s hjá MEST, í lýsingini í morgun kom sleipandi inn á Skálafjørðin, við skrokkurin til frystitrolaran Dunga Jákup M/tr.
Skipið er uppkallað eftir reiðarinum Jákup Jacobsen, sála, sum andaðist 13. desember í fjør.
Skrokkurin, sum er góðar 49 metrar langur og slakar 12 metrar breiður er bygdur á Stozcnia Wisla skipasmiðjuni í Gdansk í Póllandi.
Á MEST á Skála verður hann liðugtgjørdur og verður væntandi latin P/F Varðanum á sumri í 2026.
Eftir ætlan fer Dunga Jákup M/tr at fiska botnfisk á føroyska landgrunninum.
Myndir: Eysturoyarportalurin
Deil á Facebook
