Borgarstjórin í Runavíkar Kommunu, Tórbjørn Jacobsen, hartar í dag samgonguna, nú fíggjarlógaruppskotið fyri næsta ár er lagt fram.
Tað eru peningaupphæddirnar (ella mangul upp á tað) sum eru ásettar til vegakervið í Eysturoynni, sum gera at borgarstjórin nú stendur spyrjandi.
Á Facebook-vanga sínum skrivar hann soleiðis:
Eysturoy (RK) og Løgtingsfíggjarlógin 2025:
Nýgerð av landsvegum (blaðsíða 118):
Vegurin omanfyri Skálafjørð: 0,00 kr,
Funningsfjarðavegurin: 0.00 kr.
Søldarfjørður, súkklu- og gongubreyt: 0,00 kr.
Søldarfjørður, umkoyringarvegur: 0,00 kr.
Tunnil Gøtudal/Kambsdal-Skálafjørður: 0,00 kr.
Oyndarfjarðarvegurin: 0,00 kr.
+
Hartil er at siga, at um Elduvíksvegurin ikki verður bøttur – ella nýasfalteraður – sum skjótast, so verður ikki koyrandi til Elduvíkar, táið tað fer at vára aftur í 2025.
Kann nakar hjálpa mær við einum hugskoti um, hvussu ið Eysturoyggin skal bera seg at fyri at koma á tal við landsmyndugleikan um at býta okkurt útaftur til cash-kúnna, sum spýtir mest í felagskassan?
Deil á Facebook
