Sunda kommuna boðar frá í morgun at, væntandi hevur rør til vatnveitingina við Norðskála, á Oyrarbakka, Oyri og Nesvík tikið skaða av áarlopinum sum varð í gjár.
Hetta førdi við sær, at brunnurin varð tømdur. Veitingareindin hevur fingið tillagað inntakið, so tað nú rennur í brunnin aftur.
Nú tað ljósnar verður farið undir at kanna og umvæla skaðan á vatnleiðingina.
Orsaka av hesum sama er skúlagongdin í Skúlanum við Streymin í morgun avlýst.
Dagstovnurin á Flatinum varð fyribils stongdur í morgun, men er nú latin upp.
Deil á Facebook
