Nes kommuna
Á almennum fundi tann 26. mai 2024 varð ársroknskapurin hjá Nes kommunu fyri 2024 samtyktur.
Staðfest varð, at samlaðu inntøkurnar fyri 2024 vóru væl hægri enn roknað varð við í fíggjarætlanini. Skattainntøkan hjá kommununi í 2024, eftir frádrátt av rentustuðli, var 86,1 mió. kr., sum er 5,2 mió. kr. hægri enn í 2023. Í fíggjarætlanini fyri 2024 varð roknað við eini nettoskattainntøku á 80,3 mió. kr. Sostatt blivu samlaðu inntøkurnar í 2024 5,8 mió. kr. betri enn mett.
Samlaðu rakstrarútreiðslurnar í 2024 vóru 73,0 mió. kr., ið er 6,3 mió. kr. meira enn í 2023. Í játtanini fyri 2024 varð roknað við einari samlaðari rakstrarútreiðslu á 73,0 mió. kr. Sostatt blivu samlaðu útreiðslurnar í 2024 áleið sum mett í fíggjarætlanini.
Rakstraravlopið áðrenn íløgur var 12,0 mió. kr., mótvegis 13,5 mió. kr. í 2023. Í fíggjarætlanini var roknað við einum avlopi áðrenn íløgur uppá 6,1 mió. kr. Rakstraravlopið áðrenn íløgur varð sostatt 5,9 mió. kr. betri enn mett í fíggjarætlanini.
Samlaðu íløgurnar í 2024 vóru 8,7 mió. kr. netto. Í fíggjarætlanini og eykajáttanum varð roknað við nettoíløgum á 24,1 mió. kr. Íløgurnar í 2024 vóru sostatt 18,5 mió. kr. lægri enn játtað. Størsti parturin av íløgunum, ið ikki vóru nýttar í 2024, verða fluttar til 2025.
Samanlagt vísti roknskapurin avlop á 3,3 mió. kr. í árinum, samanborið við eitt undirskot á 8,1 mió. kr. í 2023.
Nettoskuldin hjá Nes kommunu við ársenda 2024 var 32,9 mió. kr. Kommunur hava ikki loyvi at hava størri nettoskuld enn eina álíkning, sum er árliga skattainntøkan (roknað við 23 % í kommunuskattaprosenti), eftirlønarskatti og ávísum flytingum frá landinum. Skuldarmarkið hjá Nes kommunu var við ársenda 2024 93,1 mió. kr. Nettoskuldin hjá Nes kommunu við ársenda 2024 var sostatt 35,3 % av eini skattaálíkning.
Samandráttur verður latin øllum húsarhaldum í kommununi í næstum.
Deil á Facebook
