Mynd: Nes Prestagjald
Siðbundna jólakonsertin “Vit syngja jólini inn” í Gøtu kirkju, verður endiliga hildin aftur undir kendum umstøðum. Hetta 4. sunnudag í advent, 18. desember kl. 19.30. Her verða nýggir og gamlir jólasangir framførdir. Kirkjan verður stúgvandi full, so set 18. desember kl. 19.30 av í kalendaranum og møt tíðliga, um rætta plássið skal fáast. Vanliga savnar konsertin millum 400 -600 fólk.
Kórið hevur vant nógv til konsertina, og verður sum altið, sera væl fyrireikað til at geva tykkum áhoyrarum best møguligu jólakonsertina. Kórið leggur dent á at hava nøkur nýggj elementir við hvørt ár til jólakonsertina – og í ár verður onki undantak.
Konsertin er ókeypis, men høvi verður at geva eina gávu til raksturin av kórinum, og tær avbjóðingar, sum kórið hevur fyri framman.
Øll eru hjartaliga vælkomin.
Deil á Facebook
