P/F Varðin/Tíðindaskriv
Nú er arbeiðstakarasáttmáli undirskrivaður ímillum P/F Eyðabø og Búsetur, um at byggja 24 íbúðir í Norðragøtu.
Arbeiðið er skipað sum heildararbeiðstøka, og fevnir um at byggja tveir íbúðarblokkar við íalt 24 íbúðum. Harumframt verður eitt øki gjørt byggibúgvið, til ein møguligan triðja íbúðarblokk við 10 íbúðum.
Sáttmáli er somuleiðis undirskrivaður við Búsetur um at gera vega- og lendisarbeiðið til íbúðarøkið.
Herfyri varð samstarvsavtala gjørd ímillum P/F Eyðabø og Eysturkommunu, sum loyvir Eysturkommunu at leiga nakrar av íbúðunum.
Arbeiðið fer í gongd beinanvegin, og verður liðugt við ársenda 2026.
Deil á Facebook
