Krabbameinsfelagið
Í dag, 4. februar, er altjóða krabbameinsdagur. Dagurin hevur til endamáls at varpa ljós á fyribyrging, útgreining, viðgerð, gransking og lívsgóðsku í sambandi við krabbamein.
Krabbamein er ein av størstu fólkaheilsuavbjóðingunum og rakar bæði einstaklingar, familjur og samfelagið sum heild. Royndir vísa, at:
- ein stórur partur av krabbameini kann fyribyrgjast
- útgreining, sum verður gjørd tíðliga, m.a. við skreening, gevur betri møguleikar fyri væleydnaðari viðgerð
- skipað skráseting, dátur og gransking eru avgerandi fyri menning og eftirmeting av heilsutænastuni.
Heilsustýrið arbeiðir í samstarvi við Sjúkrahúsverkið og aðrar viðkomandi partar fyri at styrkja:
- dátugrundarlagið um krabbamein
- føroyska luttøku í altjóða gransking og samstarvi
- fyribyrging og heilsufremjandi tiltøk
- skipaða skreening
Víðkað tilboð um ókeypis HPV-koppsetingEmpty heading
Heilsustýrið nýtir dagin í dag sum høvi at vísa á víðkaða tilboðið um ókeypis HPV-koppseting fyri tey, sum eru fødd í 2006 og 2007. Koppseting fyri HPV er vanliga bert eitt ókeypis tilboð til gentur og dreingir millum 12 og 17 ár. Sum eitt undantak kunnu tey 18-20 ára gomlu eisini fáa koppsetingina ókeypis fram til 31. desember í ár. Hetta verður gjørt fyri at fáa betri fulnað (dekning) millum tey ungu í Føroyum.
HPV-koppsetingin verjir móti ymsum sløgum av krabbameini, og gevur hon umleið 90 % verju móti baktarmskrabba og lívmóðurhálskrabba. Eisini gevur hon munandi verju móti krabbameini í skeiðini, ytru kønsgøgnunum og fyri sløgum av HPV, sum kunnu elva til krabbamein í penis, í varrum, munnholu og svølgi.
Les meira um HPV-koppseting her.
Deil á Facebook
