Innsent
Í dag, 30. mai er World MS Day um allan heim.
Ígjøgnum allan maimánaða hevur ljós verið varpað á sclerosu fyri at økja um vitanina um sjúkuna og árinini av henni, bæði fyri tey, sum liva við sjúkuni, men eisini teirra avvarandi.
Tað hava verið fyriskipað ymisk tiltøk av Scleroseforeningen fyri at samla inn pengar til gransking í sclerosu, sum er ein varandi sjúka, sum eingin leking finst fyri. Eisini í Føroyum hava fólk verið tilmeldaði You Go, ið er eitt av átøkunum hjá Scleroseforeningen. Har hava fólk meldað seg til at ganga 100 km í mai fyri at samla pengar til gransking.
Liturin, hjá Scleroseforeningen er grønur, og eisini Eysturoyartunnilin hevur í dag, World MS Day 2026 lýst grønt fyri at varpa ljós á sjúkuna.
Vit takka fyri allan stuðul og vælvild 🙂
Heilsan vit við sclerosu tætt at lívinum
Deil á Facebook
