Boð hevur verið tvær ferðir eftir Sløkkiliðnum í Eysturkommunu seinasta døgnið.
Í gjár fór alarmurin frá í nýggja Dagstovninum Gjáa við Gøtugjógv. Tá ið sløkkiliðið kom á staðið kundi skjótt staðfestast, at talan varð um falskan alarm. Starvsfólkini á stovninum gjørdu tó alt rætt í støðuni og fingu øll børnini út á parkeringsplássið.
Og í morgun fór eldávaringarskipanini í gongd á Eldrasambýlinum í Norðragøtu. Nógvur roykur varð inni, og tá ið átaksleiðarin kom á staðið kundi staðfestatst at talan varð um royk sum kom frá einum ovni. Neyðugt varð ikki at gera meira við støðuna enn at lata vindeyguni upp og lufta væl út.
Deil á Facebook
