Almanna- og mentamálaráðið
Í farnu viku samtykti Løgtingið eina eykajáttan til Almannaverkið á 1,5 mió. kr. til at fara undir virksemið á nýggja búfelagsskapinum á Toftum. Talan er um 18 íbúðir til fólk við sálarsjúku og autismu, umframt felagshølir, sum Bústaðir útvegar Almannaverkinum.
Eg fegnist stórliga um hesa verkætlan, tí tørvurin á vardum bústøðum er ovurstórur”, sigur landsstýrismaðurin Eirikur í Jákupsstovu.
Landsstýrismaðurin vitjaði á staðnum í farnu viku. Bygningurin er um at vera liðugur, og verður avhendaður Almannaverkinum 1. august, og búfólkini kunnu byrja at flyta inn í september.
Deil á Facebook
