Vit sóknast eftir einum dugnaligum persóni til eitt áhugavert og avbjóðandi starv í fíggjardeildini. Talan er um eitt fast starv 39 tímar um vikuna at byrja skjótast gjørligt.
Um starvið:
Tú verður partur av fíggjardeildini og vísir bygnaðarliga til fíggjarleiðaran. Umframt fíggjarleiðaran starvast 4 fólk á fíggjardeildini.
Sum roknskaparfólk hevur tú ábyrgdina av at skipa dagliga rakstrarbókhaldið. Hettar umfatar millum annað:
- At hava dagliga bókhaldi hjá kommununi um hendi
- At bóka
- Bankaavstemmingar
- Skuldarrøkt
- Ognarrøkt
- Samskifti við internar og eksternar samstarvspartar við atliti at bókhaldinum
- Fyrifallandi skrivstovuarbeiði so sum telefonavgreiðslu osfr.
Faklig førleikakrøv
- Hevur viðkomandi útbúgving og/ella royndir innan roknskap, bókhald og fíggjarstýring.
- Hevur hug og hegni at arbeiða við tølum og fyrisitingarligum uppgávum.
- Hevur góðan telduførleika.
- Tað kann verða ein fyrimunur, at hava kunnleika til, ella royndir við, at arbeiða við bókhaldsskipanini Navision(business central) og Nema Løn.
Persónlig førleikakrøv
Vit vænta at tú:
- Hevur góð samstarvs- og samskiftisevni.
- Megnar at arbeiða sjálvstøðugt og saman við øðrum.
- Er skipað/ur í starvinum og er góð/ur til at halda tíðarfreistir.
- Er í sínari atferð í starvinum fyrikomandi, opin og álítandi.
Lønar- og setanarviðurskifti
Lønar- og setanarviðurskifti eru sambært sáttmála millum Kommunala Arbeiðsgevarafelagið (KAF) og avvarðandi yrkisfelag.
Fleiri upplýsingar
Fleiri upplýsingar um starvið fáast við at venda sær til antin Herdis Beder, roknskaparfólk, á telefon 238004 ella til Jóanis Erik Køtlum, kommunustjóra, á telefon 238002.
Umsókn
Skrivlig umsókn saman við møguligum viðmælum og upplýsing um útbúgving og royndir skal verða Fuglafjarðar kommunu í hendi í seinasta lagi mánadagin tann 19. mai 2025.
Um Fuglafjarðar kommunu
Fuglafjarðar kommuna er ein virkisfús og fjølbroytt kommuna við umleið 1640 íbúgvum. Í kommununi arbeiða umleið 120 starvsfólk, harav 12 í umsitingini, sum heldur til á tveimum bústøðum, Í Støð 5 og Karvatoftir 6. Inntøkurnar hjá kommununi vóru í fjør 122 mió. kr., úttreiðslurnar 114 mió. kr. Nettoskuldin var við árslok 0,52 av einari álíkning á 23%..
Deil á Facebook
