Dagar og nøvn í álmanakkanum
Ketil biskupur. Hesin biskupurin í Wurzburg í Týslandi var ættaður úr Skotlandi. Sankta Kilian, sum hann varð róptur, varð saman við feløgum sínum Totnan og Kolonat tikin av døgum í árinum 689. Hann hevði umvent hertugan har á staðnum og yvirtalað hann til at lata seg skilja frá konuni, ið var einkja eftir bróðir hansara. Í øði læt konan hann og felagar hansara taka av døgum. Kilian varð seinni skírdur halgimenni, og ein eftirmaður hansara sum biskupur í Wurzburg læt bein hansara leggja í halgiskrín 8. juli 752.
Seljumannamessa er eisini 8. juli.
Kelda: Dagar og nøvn í álmanakkanum, Axel Tórgarð
Deil á Facebook
